എന്താണ് ബിറ്റ് കോയിന് ?
ബിറ്റ് കോയിന് Bitcoin ക്രിപ്റ്റോഗ്രാഫി എന്ന ഗോപ്യ ഭാഷയില് അധിഷ്ടിതമായാണ് ബിറ്റ് കോയിനുകള് പ്രവര്ത്തിക്കുന്നത്. ഭൗതിക രൂപമില്ലാത്ത നാണയ സമ്പ്രദായമാണിത്. നതാഷി നക്കാമൊട്ടോ എന്ന് അപരനാമത്തില് അറിയപെടുന്ന ഏതോ ഒരു വ്യക്തിയോ സംഘമോ ആണ് ബിറ്റ് കോയിന് രൂപപ്പെടുത്തിയത്. 2008ല് നതാഷി ബിറ്റ് കോയിന് പ്രോട്ടോക്കോള് അവതരിപ്പിക്കുകയും 2009ല് അത് നിലവില് വരുകയും ചെയ്തു.
ക്രിപ്റ്റോ കറന്സി എന്ന വിഭാഗത്തില് പെടുന്ന നാണയമാണ് ബിറ്റ് കോയിന്. യൂ ടോറന്റ്, ബിറ്റ് ടോറന്റ് തുടങ്ങിയ അപ്ലിക്കേഷനുകളെ പോലെ പീര് ടു പീര് സാങ്കേതിക വിദ്യയില് പ്രവര്ത്തിക്കുന്ന സൗജന്യ സ്വതന്ത്ര സോഫ്റ്റ്വെയറാണ് ബിറ്റ് കോയിന് ആപ്ലിക്കേഷന്.
വിന്ഡോസ്, ലിനക്സ്, മാക്ക്, ബ്ലാക്ക് ബെറി, ആന്ഡ്രോയിഡ് ഓപ്പറേറ്റിംഗ് സിസ്റ്റങ്ങളില് ഇത് ലഭ്യമാണ്.
ബിറ്റ് കോയിന് ഇടപാടുകള് ശരയാണോ എന്ന് പരിശോധിക്കാനും ഉറപ്പു വരുത്താനും ക്രിപ്റ്റോഗ്രാഫിക് സമ്പ്രദായങ്ങള് ഉപയോഗിക്കുകയും ഇതിലൂടെ തന്നെ പുതിയ നാണയങ്ങള് സൃഷ്ടിക്കുകയുമാണ് ക്രിപ്റ്റോകറന്സി നാണയ വ്യവസ്ഥയുടെ അടിസ്ഥാനം. ഇതര ബാങ്കിംഗ് സംവിധാനങ്ങള് ഉപയോഗിക്കുന്നതിനും പതിന്മടങ്ങ് സുരക്ഷിതമായ ക്രിപ്റ്റോഗ്രാഫിക് സാങ്കേതിക വിദ്യയിലാണ് ബിറ്റ് കോയിന് ശൃഖല പ്രവര്ത്തിക്കുന്നത്. മാത്രമല്ല ഇടപാടുകള് പലയിടങ്ങളിലായി രേഖപെടുത്തി വെയ്ക്കുന്നതിനാല് പിഴവുകള് സംഭവിക്കുന്നതിനുള്ള സാധ്യതകളും വളരെ കുറവാണ്.
സ്വര്ണവും വെള്ളിയും പോലെയുള്ള ലോഹങ്ങള് ഖനനം ചെയ്തെടുക്കുന്നത്പോലെ ബിറ്റ് കോയിനും ഖനനം ചെയ്തെടുക്കാം.
ബിറ്റ് കോയിന് ഖനനം എന്നത് സങ്കിര്ണമായ കണക്കുകൂട്ടല് പ്രക്രീയയാണ്. ഇത് ഹാഷിങ് എന്ന് അറിയപെടുന്നു. കണക്കുകൂട്ടല് സങ്കീര്ണമാണെങ്കിലും ഇത്തരത്തില് സങ്കീര്ണമായ പ്രശ്നത്തിന് ഉത്തരം ലഭിക്കുമ്പോള് അതിന് പ്രതിഫലമായി ബിറ്റ് കോയിനുകള് ഉത്തരം കണ്ടെത്തിയവര്ക്ക് ലഭിക്കുന്നു.
210 ലക്ഷം ബിറ്റ് കോയിനുകള് മാത്രമേ ഇത്തരത്തില് ഖനനം ചെയ്ത് എടുക്കാന് സാധിക്കൂ. 2140ല് ബിറ്റ് കോയിന് ഖനനം പൂര്ത്തിയാകുമെന്നാണ് പ്രതീക്ഷിക്കുന്നത്.
ബാങ്ക് ഇടപാടുകള് നിരീക്ഷിക്കുന്നതുപോലെ ബിറ്റ് കോയിന് ഇടപാടുകള് നിരീക്ഷിക്കാന് കേന്ദ്രീകൃത സംവിധാനങ്ങള് ഇല്ലാത്തതുകൊണ്ട് ബിറ്റ്കോയിന് ശൃഖലയെ നിയന്ത്രിക്കുന്നത് അതിശക്തമായ ക്രിപ്റ്റോഗ്രാഫിക് സങ്കേതങ്ങള് ആണ്. ഇടപാടു വിവരങ്ങള് രേഖപെടുത്തി വെയ്ക്കുന്നത് ബ്ലോക്ക് ചെയിന് എന്ന പബ്ലിക്ക് ഇലക്ട്രോണിക് ലെഡ്ജറിലാണ്. ഈ ബ്ലോക്ക് ചെയിനിനെ അടിസ്ഥാനമാക്കിയാണ് ബിറ്റ്കോയിന് ശൃഖലയുടെ നിലനില്പ്.
ബിറ്റ്കോയിന് പ്രവര്ത്തിക്കുന്നത് എങ്ങനെയാണ് എന്ന് അറിയണോ..?
Courtesy : indiavisiontv.com
0 comments: